Qyrǵyzstanda III Dúnıejúzilik kóshpendiler oıyny bastalady
ChOLPAN-ATA. QazAqparat - 1 qyrkúıek kúni Qyrǵyzstannyń Ystyq kól oblysyndaǵy «Eýrazııa» pansıonatynyń terrıtorııasynda III Dúnıejúzilik kóshpendiler oıyny qarsańynda Qazaqstan quramasy delegatsııasy kezdesý ótkizdi, dep habarlaıdy «QazAqparat» HAA.
Sharaǵa qatysýshylar aldaǵy jarystyń baǵdarlamasymen tanysty. Odan soń QR MSM Dene shynyqtyrý jáne sport isteri komıtetiniń qyzmetkerleri sportshylarmen áńgimelesti.
«Kógildir Ystyq kól» pansıonatynda Qazaqstan quramasynyń shtaby ashylyp, onda kók týymyz ilindi jáne banner qoıyldy.
Qazirgi sátte qazaqstandyq sportshylar 2 qyrkúıekte bastalatyn III Dúnıejúzilik kóshpendiler oıyny jarystaryna tolyq daıyn.
Aıta keteıik, sporttyq jarystar 37 ulttyq sport túrinen ótetin bolady. Oǵan álemniń 80 elinen úsh myńǵa jýyq adam qatysady. Qazaqstan quramasy sapynda 200-den astam sportshy bar jáne olar sporttyń 30 túrinen el namysyn qorǵaıdy.
Avtor: Serikbol Qoshmaǵanbetov
