Qyrǵyzstanda halyq sany 7 mln adamǵa jetti
BІShKEK. QazAqparat - 19 qazanda Batken oblysynyń Qyzyl-Kıe qalasynda Qyrǵyzstannyń jeti mıllıonynshy turǵyny dúnıege keldi, dep habarlaıdy QazAqparat tilshisi Qyrǵyzstan Respýblıkasy Ulttyq statıstıkalyq komıtetine silteme jasap.
Statıstıkalyq málimetter boıynsha, Qyrǵyzstanda halyq sany ósýde. Sońǵy jyldary elde bolyp jatqan demografııalyq protsester halyq sanynyń joǵary ósý qarqynymen sıpattalady. Syrtqy kóshi-qon saldosy teris kúıinde qalyp otyr, biraq onyń máni sońǵy jyldary aıtarlyqtaı tómendegen.
Respýblıkada turaqty halyq sany 2022 jylǵy 1 tamyzda 6 mln 977 myń adamdy, al 2022 jylǵy 1 qazandaǵy jaǵdaı boıynsha 6 mln 995 myń adamdy quraǵan. Eldiń alty mıllıonynshy turǵyny Qojosheva Aılın 2015 jyly 25 qarashada Osh qalasynda dúnıege kelgen, bes mıllıonynshy turǵyn – Quramaev Tynyshtyqbek 2002 jyly 27 tamyzda Bishkek qalasynda, tórt mıllıonynshy – Qaıypova Qanykeı 1985 jyly 27 mamyrda Osh oblysy Qara-Sýý aýdanynda dúnıege kelgen.
Jeti mıllıonynshy qyrǵyzstandyq azamat eldiń alty mıllıonynshy turǵyny týǵannan keıin 7 jyl ótken soń dúnıege kelgen, al alty mıllıonynshy men bes mıllıonynshy turǵyn arasyndaǵy aıyrmashylyq 13 jasty, al bes mıllıonynshy men tórt mıllıonynshy arasyndaǵy aıyrmashylyq – 17 jasty qurady.
Buǵan deıin, Qyrǵyzstan turǵyndarynyń sany 7 mln adamǵa jaqyndaǵany týraly jazǵan bolatynbyz.
Avtory Gúlmıra Ábdirahmanova
Foto: kaktus.media
