Qyrǵyzstanda energetıkter jurtty elektr energııasyn únemdeýge shaqyryp jatyr
BІShKEK. QazAqparat – Qyrǵyzstan astanasy Bishkek qalasy men Shý oblysynyń turǵyndaryna elektr jelilerine maksımaldy júkteme bolatyn ýaqyttarda elektr energııasyn tutynýdy azaıtýǵa keńes berildi, dep habarlaıdy QazAqparattyń menshikti tilshisi eldiń Ulttyq energoholdıngine siltememen.
Shý elektr jelileri kásipornynyń málimetterine sáıkes, 21 qazandaǵy jaǵdaı boıynsha Bishkekte bir táýliktegi elektr energııasyn tutyný 9,6 mln kılovatt-saǵatqa jetken, jospardaǵy kórsetkish 6,8 mln bolatyn. Al Shý oblysy josparǵa saı 7,06 mln kVt elektr energııasyn paıdalanýy tıis edi, is júzinde bul san 8,2 mln jetken.
Elektr energııasyn tutynýdyń ósýi elektr jelileri men qurylǵylarǵa júktemeni kóbeıtip otyr, bul ásirese elektr eń kóp paıdalanatyn ýaqyttarda seziledi. Elektr energııasyn apattyq jaǵdaıda sóndirýge jol bermeı úshin jáne elektr qurylǵylarǵa zaqym keltirmeý maqsatynda energetıkter turǵyndarǵa 7:00 men 9:00 jáne 19:00 men 21:00 aralyǵynda elektr jylytý qurylǵylaryn qospaýǵa keńes berdi.
Foto: artsakhpress.am
