Qyrǵyzstanda energetıkalyq sýsyndarǵa tolyq tyıym salý usynyldy

BІShKEK. QazAqparat – Qyrǵyzstanda el azamattarynyń densaýlyǵyn saqtaý, energetıkalyq sýsyndardy tutynýdyń saldarynan týyndaıtyn aýrýlardy azaıtý maqsatynda depýtattar energetıkalyq sýsyndardy ákelýge, óndirýge jáne satýǵa tolyq tyıym salýdy usynyp otyr. Tıisti zań jobasy qoǵamdyq talqyǵa shyǵaryldy, dep habarlaıdy QazAqparattyń menshikti tilshisi Qyrǵyz Respýblıkasy Jogorký Keneshke silteme jasap.

Qazirgi ýaqytta elde kámeletke tolmaǵandarǵa energetıkalyq sýsyndar satýǵa tyıym salynýda.

Sonymen qatar, qyrǵyz eliniń parlamentshileri eresek turǵyndar arasynda energetıkalyq sýsyndardy tutynýǵa alańdaıdy, óıtkeni olar sýsynnyń densaýlyǵyna qandaı qaýip tóndiretinin tolyq túsinbeıdi.

Energetıkalyq sýsyndarda titirkenýdi, alańdaýshylyq, uıqysyzdyq, júrek soǵýyn jáne basqa da jaǵymsyz jaǵdaılardy týdyratyn stımýlıatorlardyń jetkilikti mólsheri bar.

Mundaı sýsyndardy shamadan tys tutyný júrek-tamyr jáne júıke júıesiniń, asqazan-ishek joldarynyń aýyr aýrýlaryna ákelýi múmkin.

Energetıkalyq sýsynǵa qoldanylatyn stımýlıatorlar táýeldilik týǵyzady.

Únemi tutynatyndar dozany joǵarylatqan saıyn qalaǵan áserin ala almaıdy, saldarynan ashýlanshaqtyq, sharshaý jáne depressııa paıda bolady.

Foto: Konkov Sergeı