Qyrǵyzstanda elektr symdaryna ilinip qalǵan parashıýtpen sekirýshi qutqaryldy
ASTANA. QazAqparat - Jalal-Abad oblysynda qutqarýshylar joǵary kerneýli elektr jelisiniń symdaryna ilinip qalǵan parashıýtpen sekirýshini qutqardy, dep habarlady kyrtag.kg agenttigi.
«4 naýryzda Jalal-Abad oblysy Sozaq aýdanynda kúndiz Nooken aýdany Masy aýylynyń turǵyny parashıýtpen sekirýshi 49 jastaǵy Vladımır Galgalskıı taýdan sekirip, Boz-Chychkan aýylynda «Datqa Kemın» elektr symdarynyń jelisinde ilinip qalǵan», - dep habarlady Qyrǵyzstan TJM.
Bıiktegi symdarǵa ilinip qalǵan adamdy jerge túsirý úshin elektrmen jabdyqtaý salasynyń 9 qyzmetkeri, 11 qutqarýshy jumyldyryldy. Olar parashıýttyń jipterin kesip, er adamdy jerge aman túsirdi. Qutqarý kezinde eshkim japa shekpegen.
