Qyrǵyzstanda elektr energııasyna sheksiz tarıf engiziledi

BІShKEK. QazAqparat – Qyrǵyzstanda elektr energııasyn shekteýsiz paıdalanýǵa nıet bildirgen tulǵalar úshin elektr energııasyn tutynýdyń jańa tarıfi engiziledi, dep habarlaıdy QazAqparattyń menshikti tilshisi.

Qyrǵyz Respýblıkasy Mınıstrler kabınetiniń baspasóz qyzmetiniń málimetinshe, tarıf jasalǵan kelisimge sáıkes energııany kóp qajet etetin tutynýshylarǵa da joǵary baǵamen erikti negizde qoldanylady jáne halyqqa elektr energııasyn tutyný men qýatty shektemeı paıdalanýǵa múmkindik beredi. Bul jaǵdaıda maınıngtik krıptovalıýtamen aınalysýǵa ruqsat etilmeıdi. Tutynýshylar elektr energııasynyń lımıtsiz tarıfin jylytý maqsatynda paıdalana alady. Ol úshin azamattar tıisti tehnıkalyq sharttardy alyp, elektrmen jabdyqtaýshy uıymmen jeke shart jasasýy qajet. Halyq úshin «sheksiz» tarıfke salyq salynbaıdy.

Qyrǵyz Respýblıkasy Mınıstrler kabıneti qabyldaǵan sheshimge sáıkes, 2022 jylǵa arnalǵan elektr jáne jylý energııasyna qoldanystaǵy tarıfter el tutynýshylarynyń barlyq sanattary úshin ózgerissiz qalady.