Qyrǵyzstanda elektr energııasyna baǵa kóterildi
ASTANA. QazAqparat - Qyrǵyz eliniń bılik kózderi respýblıkada elektr energııasynyń tarıfterin ósirdi. Bul týraly osy eldiń Energetıka jáne ónerkásip mınıstrliginen habarlady, dep jazady TASS.
«Bir aıda saǵatyna 700 kVt-tan artyq paıdalanbaıtyn abonentter úshin tarıfter 10 paıyzǵa - 0,7 somnan (shamamen 0,01 dollar) 0,77 somǵa deıin kóbeıtilmek. Odan asyryp paıdalanýshylar 1 tamyzdan bastap saǵatyna 1 kVt úshin 2,16 som (0,03 dollar) tóleıtin bolady», - dep málimdedi vedomstvodan.
Energetıka mınıstrliginde atap ótkendeı, qys mezgili 2-3 aıǵa uzaq bolatyn taýdyń joǵary aýdandarynda qazan aıynan mamyrǵa deıin elektr energııasyn paıdalaný lımıti jeńildikpen esepteý boıynsha aıyna 1 myń kVt/saǵ quraıdy.
Buǵan deıin Qyrǵyzstannyń jylý-energetıkalyq keshenin retteý memlekettik departamenti aǵymdaǵy jyldyń 1 maýsymynan bastap elektr jaryǵynyń tarıfterin 20 paıyzǵa ósirýdi josparlap otyrǵan. Alaıda sol kezde bul jaǵdaıǵa respýblıka prezıdenti Almazbek Atambaev aralasyp, energetıkterdi baǵalardy kúrt ósirýden bas tartyp, bul protsesti kezeń-kezeńmen júrgizýge shaqyrdy.
