Qyrǵyzstanda elektr energııasy 21 paıyzǵa qymbattaıdy
BІShKEK. QazAqparat - Qyrǵyzstanda 2016 jyly elektr energııasyna tarıf 21 paıyzǵa qymbattaıdy. Bul týraly búgin jýrnalısterge QR úkimetiniń janyndaǵy TEK retteý jónindegi memlekettik agenttik stats-hatshysynyń mindetin atqarýshy Mırgýl Aıdarova málimdedi.
«Qyrǵyzstanda elektr energııasyna tarıf 2016 jyly 21 paıyzǵa qymbattaıdy. Búginde ol saǵatyna 1 kVt-ǵa 0,77somdy quraıdy», - dep atap ótti M. Aıdarova.
Onyń aıtýynsha, ortamerzimdi tarıftik saıasatqa sáıkes 2017 jyly tutynýshylar úshin elektr energııasy 29 paıyzǵa artady dep kútilýde.
Memlekettik agenttik dırektory Nurbek Elebaev atap ótkendeı, qazirgi ýaqytta el halqy úshin elektr energııasy naqty qunynan tómen satylýda.
«Ótken jyly elektr energııasyna naqty baǵa - saǵatyna 1 kVT úshin 1,2 somdy quraǵan, búginde - 1, 67 som bolyp otyr. Bizdiń esebimiz boıynsha, 2016 jyly baǵa 2 somǵa deıin jetýi múmkin», - dep túsindirdi ol.
