Qyrǵyzstanda eldiń búkil energetıkalyq júıesine aýdıt júrgiziledi
BІShKEK. 21 jeltoqsan. QazAqparat /Arnur Rahymbekov/ - Búgin Bishkekte Qyrǵyz Respýblıkasynyń Prezıdenti Roza Otynbaevanyń qatysýymen Qyrǵyzstannyń Energetıkter kúnine arnalǵan saltanatty shara ótti.
Jınalǵan qaýymnyń aldynda sóz sóılegen memleket basshysy olardy kásibı merekelerimen quttyqtady. Energetıka salasy búkil qyrǵyz ekonomıkasynyń qan tamyry, eldi álemdik ekonomıkaǵa yqpaldastyrýdyń áleýeti bolyp tabylatynyn atap kórsetken Qyrǵyzstan basshysy, koalıtsııalyq úkimettiń kezinde Ýaqytsha úkimet bastap, keıinnen kelesi (tehnıkalyq) úkimet jalǵastyrǵan osy saladaǵy reformalardy jalǵastyratynyna senim bildirdi.
R.Otynbaeva sondaı-aq, eldiń tórt iri energııa kompanııasynyń jumysyna tolyq aýdıt júrgiziletinin de málim etti. «Bul buryn-sońdy jasalmaǵan qadam, sebebi buryn árqashan kommertsııalyq qupııany saqtaý qajettiligi alǵa tartylyp kelgen bolatyn, biraq ol aýdıt kompanııalardyń jumystarynyń ashyqtyǵyn qamtamasyz etý úshin asa qajet. Oǵan qosa, «Otyn-energetıka salasynda ashyqtyqtyqty qamtamasyz etý jónindegi bastamalar týraly» Jarlyqqa qol qoıylyp, soǵan sáıkes Energetıka mınıstrliginiń janynan Qadaǵalaý keńesi qurylyp otyr. Jańa Keńes bıýdjet qarajatynyń jumsalýyn, tenderlerdiń ótkizilý úderisin qadaǵalaıtyn bolady», dep atap kórsetti memleket basshysy óz sózinde.
R.Otynbaeva hanym sonymen birge, jańa úkimettiń aldynda turǵan basymdyqty perspektıvalyq mindettiń biri - Naryn ózeninde jańa GES-ter salý ekenin aıtty. Oǵan qosa, eldiń kómir óndirýdegi áleýetin barynsha paıdalaný, balama energetıka kózin damytý qajettiligi de aıtyldy.
