Qyrǵyzstanda elden avtokólikpen kómir shyǵarýǵa maratorıı jarııalandy

BІShKEK. QazAqparat – Qyrǵyzstanda kómirdi elden tys jerlerge avtokólikpen shyǵarýǵa ýaqytsha tyıym salyndy, dep habarlaıdy QazAqparat tilshisi Qyrǵyzstan Respýblıkasy Mınıstrler kabınetiniń saıtyna silteme jasap.

Bul shekteýler «Irkeshtam avtojoly» jáne «Torýgart avtojoly» qyrǵyz-qytaı memlekettik shekarasyndaǵy ótkizý pýnktterinde ornatyldy. Qabyldanǵan sheshim kontrabanda faktilerin qysqartý jáne kómir eksportyn senimdi esepke alý maqsatynda jasaldy.

Qyrǵyz Respýblıkasynyń Kólik jáne kommýnıkatsııa mınıstrligine, Memlekettik keden jáne shekara qyzmetterine sheshimdi oryndaý boıynsha qajetti sharalardy qabyldaý tapsyryldy. Tyıym alty aı merzimge engizildi.