Qyrǵyzstanda el prezıdenttigine úmitkerler usynyla bastady
ASTANA. QazAqparat - Qyrǵyzstanda prezıdenttikke úmitkerler usynyla bastady, dep habarlaıdy Kabar
«Qyrǵyzstan Respýblıkasy prezıdenttigine kandıdattardy usyný 5 tamyz kúni aıaqtalady, al úmitkerlerdiń tirkelýi 10 qyrkúıekke belgilengen», - dep habarlady Ortalyq saılaý komıteti Saılaýdy uıymdastyrý bóliminiń meńgerýshisi Aıbek Ómirálıev OSK otyrysynda.
Onyń málimdeýinshe, qol jınaý tekserisi 5 qyrkúıekke deıin jalǵasady.
«Úgit-nasıhat jumystary úmitkerler tirkelgen sátten bastalyp, saılaýǵa bir táýlik qalǵanda aıaqtalady. Saılaý ýchaskeleriniń shemasyn qurý 1 tamyz kúni aıaqtalady», - dedi ol.
Sonymen qatar, OSK ókili BAQ tirkelýi 24 shildede aıaqtalatyndyǵyn jetkizdi.
