Qyrǵyzstanda eki ret jer silkindi, jerasty dúmpýleri Almatyda baıqaldy
TANA. 29 qazan. QazAqparat - Juma kúni Qyrǵyzstan respýblıkasynyń aýmaǵynda eki ret jer silkindi, jer asty dúmpýleri Almaty qalasynda baıqaldy. Bul týraly QR Tótenshe jaǵdaılar mınıstrliginen habarlady.
Taratylǵan aqparatqa súıensek, 28 qazanda saǵat 19.47-de Qyrǵyzstan aýmaǵynda jer silkindi. 12,5 energetıkalyq sanattaǵy zilzalanyń kindigi Almaty qalasynan ońtústikke qaraı 145 shaqyrym jerde ornalasty. Jer asty dúmpýleri MSK-64 baǵany boıynsha 3-4 balldyq qýatpen Almaty qalasynda sezildi.
Osy kúni birneshe saǵat ótkennen keıin, naqty aıtqanda, 22.12-de Qyrǵyzstanda jer silkinisi qaıta qaıtalandy. 11,0 energetıkalyq sanattaǵy zilzalanyń oshaǵy bul joly Almaty qalasynan ońtústikke qaraı 147 shaqyrym jerde ornalasty. MSK-64 baǵany boıynsha 2-3 balldyq qýatpen shaıqaǵan jerasty dúmpýlerin almatylyqtar taǵy bir márte sezindi.
QR TJM-nan anyqtaǵandaı, jer silkinisterinen keıin qurbandar men qıraýlar týraly aqparattar túsken joq.
