Qyrǵyzstanda eki kenshi úıindi astynda qaldy
ASTANA. QazAqparat - Qyrǵyzstandaǵy «Jyrǵalań» shahtasynda eki kenshi úıindi astynda qaldy, apat keshe 17.30 shamasynda oryn alǵan. Bul týraly 24.kg eldiń tótenshe jaǵdaılar mınıstrligine silteme jasaı otyryp habarlady.
Ystyqkóldegi úkimettiń ýákiletti ókiliniń baspasóz qyzmetiniń habarlaýynsha, «Jyrǵalań-Dorgokomýr» kompanııasy jumys jasaıtyn kómir ken ornynda apat bolǵan. Bastapqy málimet boıynsha, oqys oqıǵaǵa qaýipsizdik talaptaryn oryndamaý sebepshi bolǵan.
Óńirde Qaırat Nurbekov pen Azamat Toımatovty qutqarý boıynsha tıisti qurylymdardan, apparat ókilderi ishinen jedel shtab quryldy.
Qutqarý operatsııasyna jergilikti turǵyndar da, tıisti qurylym ókilderi de jumyldyryldy, uńǵymadan sý aıdaý jumystary júrgizilýde.
