Qyrǵyzstanda dızel otynynyń baǵasy 20% ósti
BІShKEK. QazAqparat – Qyrǵyzstanda dızel otynynyń baǵasy kún saıyn ósýde. Qyrǵyz Respýblıkasy Ulttyq statıstıka komıtetiniń málimetinshe, bıylǵy jyldyń alǵashqy jartyjyldyǵynda dızel otynynyń baǵasy 20% ósken, dep habarlaıdy QazAqparat menshikti tilshisi.
Shilde aıynda elde dızel otyny 7,5 paıyzǵa ósken, 2021 jyldyń jeltoqsan aıymen salystyrǵanda 20 paıyzdan astam qymbattaǵan.
Ulttyq statıstıka komıtetiniń málimetine sáıkes, osy jyldyń qańtar, aqpan, naýryz jáne shilde aılarynda dızel otynynyń baǵasy óte kóp ózgergen. Eń qymbat dızel otyny eldiń ońtústiginde Isfana (lıtrine 75,59 som nemese 0,9$), Batken (74,7 som nemese 0,89$) jáne Osh (72,76 som nemese 0,87$) qalalarynda satylýda.
Qyrǵyz Respýblıkasynyń Ekonomıka jáne kommertsııa mınıstri Danııar Amangeldıevtiń aıtýynsha, Qyrǵyz Respýblıkasynda janar-jaǵarmaı baǵasynyń kóterilýi reseı rýbliniń 38%-ǵa deıin nyǵaıýymen baılanysty.
Qyrǵyzstan munaı ónimderiniń basym bóligin Reseı Federatsııasynan ımporttaıdy. Shilde aıynan bastap Qyrǵyzstan men Reseı tolyǵymen rýblmen esep aıyrysýǵa kóshti. Sonyń saldarynan otyn qunyn ulttyq valıýtaǵa qaıta esepteý baǵanyń ósýine sebep boldy.
