Qyrǵyzstanda dıskotekaǵa barǵan 100-den astam bala ýlanyp qaldy
ASTANA. QazAqparat - Kegeti aýylyndaǵy orta mekteptiń oqýshylary men ustazdary generator gazynan ýlanyp qaldy, dep habarlaıdy «QazAqparat» HAA tilshisi «Kabar» agenttigine silteme jasap.
27 jeltoqsan kúni mektep sportzalynda dıskoteka uıymdastyrǵan 7-8 synyp oqýshylary, elektr toǵynyń bolmaýyna baılanysty generator qoldanǵan.
Bı keshi barysynda balalar bastarynyń aýyrǵanyn sezip, júrekteri aını bastaǵan. Gazdan ýlaný saldarynan Shý aýmaqtyq aýrýhanasyna 110 adam qaraldy, onyń tórteýi muǵalim.
Qyrǵyzstan Densaýlyq saqtaý mınıstrliginiń habarlaýynsha, 38 adam aýrýhanaǵa, taǵy úsh oqýshy jansaqtaý bólimine jatqyzylǵan.
