Qyrǵyzstanda «Dinı bilim jáne dinı oqý oryndary týraly» zań qabyldanbaq
ALMATY. 26 qarasha. QazAqparat - Qyrǵyzstanda áli kúnge deıin dinı bilim berýdiń biryńǵaı júıesi joq. Bul týraly Joǵarǵy keńestiń bilim, ǵylym, mádenıet jáne sport komıtetiniń tóraǵasy Kanybek Osmanalıevtiń kómekshisi Taalaıbek Satybaldıev Bishkekte ótken «Ortalyq Azııadaǵy ıslamnyń oıanýy úderisi aıasyndaǵy zııatkerlik bastama» dep atalatyn halyqaralyq konferentsııada aıtty.
«Kanybek Osmanalıevtiń bastamasymen ázirlengen «Dinı bilim jáne dinı oqý oryndary týraly» zań jobasynyń alǵashqy tyńdalymy 19 qyrkúıekte ótken bolatyn. Aldaǵy 1-2 aıdyń ishinde qabyldanatyn bul zań dinı bilim berýdiń biryńǵaı júıesin jasaýǵa múmkindik beredi», - deıdi. T. Satybaldıev. Onyń aıtýynsha, Qyrǵyzstanda 91 dinı oqý orny bar. Onyń 75-i ıslamdyq, 16-sy hrıstıandyq baǵytta. Islamdyq baǵyttaǵy bilim berý uıymdarynyń 65-i - medrese, 10-y - joǵary oqý oryndary. Máselen, medreselerdegi bilim júıesi Pákistan, Saýd Arabııasy, Kýveıt, Iordanııa, Egıpet, Túrkııa elderiniń baǵyt-baǵdary boıynsha júrgiziledi.
