Qyrǵyzstanda depýtattar parlament spıkerin tańdap, premer-mınıstrdi taǵaıyndady
BІShKEK. QazAqparat - VI shaqyrylymdaǵy parlament otyrysynda Jogorký Kenesh tóraǵasy laýazymyna Asylbek Jeenbekov saılandy. Sonymen qatar, parlamenttegi kópshilik koalıtsııasynyń sheshimine sáıkes Temır Sarıev premer-mınıstr bolyp taǵaıyndaldy.
Jasyryn túrde daýys berý nátıjesinde Qyrǵyzstan parlamenti spıkerindegi A.Jeenbekov kandıdatýrasyna 114 depýtat daýys berli, 4 qarsy shyqty.
Saılanǵan tóraǵa A.Jeenbekov qoldaý úshin alǵys aıtyp, aldaǵy ýaqytta eldiń órkendeýi úshin eńbektenetinin aıtty.
T.Sarıevti úkimet basshysy retinde usynýlaryna qatysty Chynybaı Týrsýnbekov málimdeme jasady.
«Koalıtsııa Temır Sarıevti premer-mınıstr laýazymyna usyndy, sondaı-aq úkimet qurylymy men quramyna qatysty usynystar maquldandy. Muny qarastyrýǵa usynyp jatyr», - dedi ol.
T.Sarıev úkimettiń jańa quramyn qurý jaýapkershiligin moınyna alýǵa daıyn ekenin jetkizdi.
«Úkimet quramyn túbegeıli ózgertpeýge tyrystyq. Óıtkeni jańa mınıstr máseleniń mán-jaıyn bilýi úshin ýaqyt ketedi. Al oǵan bizde ýaqyt joq», - dep atap ótti Temır Sarıev.
Atap ótý kerek, Qyrǵyzstan úkimetiniń jańa qurylymynda 12 mınıstrlik, 3 vıtse-premer, 2 memlekettik komıtet bar. Qorǵanys mınıstrligi men energetıka mınıstrligi qaıta qurylady.
