Qyrǵyzstanda Covid-19 vırýsyn juqtyrýshylar sany kúrt ósti
NUR-SULTAN. QazAqparat – Qyrǵyzstan shilde aıynda Covid-19-ǵa shaldyqqandar sany 4,5 esege ósken, dep habarlaıdy QazAqparat BBC-ge silteme jasap.
Qyrǵyzstanda koronavırýs juqtyrǵandar sanynyń kúrt ósýine baılanysty aýrýhanalarda oryn jetpeı jatyr, dári-dármekterdi naýqastardyń týystary satyp alýda. Eldiń densaýlyq saqtaý júıesi ózderinejúktelgen mindetti oryndaı almaı jatyr, al depýtattar demalysqa ketti.
Qyrǵyzstan kórshileri Qazaqstan men Ózbekstan sekildi naýryz aıynyń sońynda áýe shekarasyn jaýyp, elde qatań shekteý engizdi.
Eldiń eń iri úsh qalasynda – Bishkek, Osh, Djalal-Abadta jáne birneshe aýdanda tótenshe jaǵdaı jáne komendanttyq saǵat jarııalandy. Jergilikti turǵyndardyń úılerinen shyǵýyna tyıym salynyp, kásiporyndardyń qyzmetkerleri qashyqtan jumys istedi. Qoǵamdyq kólikter men taksı toqtatylyp, eldegi bilim oshaqtary eki aıǵa jabyldy. Shekteýdi buzǵandarǵa aıyppul salyndy.
Mundaı qatań sharalar Qyrǵyzstanǵa qymbatqa tústi: salyq ondaǵan esege qysqardy. Bıýdjet defıtsıti 37 mlrd somǵa (500 mln dollar) jetti. Ekonomıka mınıstrligi jyl qorytyndysy boıynsha JІÓ – mınýs 5,3%-ǵa tómendeıdi dep boljap otyr. Bul el mundaı daǵdarysty 1990 jyldary bastan ótkergen edi.
Mamyr aıynda karantın bosańsyǵan kezde densaýlyq saqtaý mınıstrligi 6,5 mln turǵyn arasynda tek 1002 adam aýrý juqtyryp, 12 adamnyń qaıtys bolǵanyn málim etti. Aýrýǵa shaldyqqandardyń basym bóligi basqa elderden kelgen qyrǵyz azamattary.
Qyrǵyzstan shekteý sharalaryn bir aıdyń ishinde birtindep ala bastady: ekonomıkanyń barlyq sektory, sonyń ishinde qoǵamdyq kólikter men bazarlar birinen keıin biri jumysqa kiristi. Sol kezde Covid-19 juqtyrǵandar sany 2 myń adamǵa jetti.
Maýsym aıynda barlyq shekteý sharalary alynyp tastalǵannan keıin aýrýǵa shaldyqqandar sany birden ósti: karantın kezinde kúnine 25-80 adam koronavırýs juqtyrsa, maýsym aıynyń ortasynda bul kórsetkish 300-700 adamǵa jetti.
Qazir qalada adamdar dúrligip jatyr.
