Qyrǵyzstanda COVID-19 vırýsyn juqtyrǵan 44 adam tirkeldi
BІShKEK. KABAR – QazAqparat – Qyrǵyzstanda 25 naýryz 14:00-degi jaǵdaı boıynsha 44 adamnan koronavırýs tabylǵan. Bul týraly úkimet úıindegi brıfıngte qoǵamdyq densaýlyq saqtaý basqarmasynyń basshysy Aınýra Akmatova aıtty, dep habarlaıdy QazAqparat Kabarǵa silteme jasap.
Onyń aıtýynsha, koronavırýs ınfektsııasyn juqtyrýdyń 2 jańa jaǵdaıy tirkeldi. Biri – 1960 jylǵy er adam, Bishkek qalasynda. Ol Ispanııadan kelgen adamnan juqtyryp alǵan. Ekinshi jaǵdaı – 1985 jylǵy er adam. Shý oblysy Máskeý aýdanynyń turǵyny, ol 20 naýryzda Dýbaıdan kelgen. Sondaı-aq, ol Ispanııadan kelgen adamnyń qaıta ushyp ketkenin atap ótti.
«Qazirgi ýaqytta elde 44 adam koronavırýsqa shaldyqty, sonyń ishinde: Osh oblysynda - 22 jaǵdaı, Djalal-Abad oblysynda – 19, Bishkekte – 3, Shý oblysynda – 1, Batken oblysynda – 1. Barlyǵy - 44 jaǵdaı», - dep habarlady A. Akmatova.
