Qyrǵyzstanda COVID-19 vırýsyn juqtyrǵan 11 patsıenttiń jaǵdaıy aýyr
BІShKEK. KABAR – QazAqparat – Qyrǵyzstannyń Densaýlyq saqtaý mınıstriniń orynbasary Mademın Qarataev brıfıngide eldegi epıdemıologııalyq jaǵdaı týraly shuǵyl aqparat taratty, dep habarlaıdy QazAqparat Kabar agenttigine silteme jasap.
Mademın Qarataevtyń aıtýynsha, qazirgi ýaqytta COVID-19 koronavırýs ınfektsııasy dıagnozy qoıylǵan 11 patsıenttiń jaǵdaıy aýyr. 6 naýqas jansaqtaý bóliminde jatyr.
Qyrǵyzstanda 12 sáýir saǵat 10:00-degi jaǵdaı boıynsha COVID-19 ınfektsııasyn juqtyrǵan 38 jańa oqıǵa tirkeldi.
Olardyń ishinde 12 medıtsına qyzmetkeri bar. Elde koronavırýs juqtyrǵandardyń jalpy sany 377 adamǵa jetti. Al respýblıka boıynsha 63 dáriger COVID-19 koronavırýsyn juqtyrǵan.
Sondaı-aq, elde bes adam vırýstan kóz jumdy. Búginge deıin 54 patsıent saýyǵyp, aýrýhanadan shyǵaryldy.
