Qyrǵyzstanda COVID-19-ǵa qarsy 7 myńdaı adam vaktsınalandy
BІShKEK. KABAR-QazAqparat – Sońǵy táýlikte Qyrǵyz Respýblıkasynda 1 534 adam ekpe aldy. Vaktsınalanǵandardyń jalpy sany – 6 814 adam. Bul týraly eldiń Densaýlyq saqtaý mııstrligi málim etti, dep habarlaıdy QazAqparat KABAR agenttigine silteme jasap.
Densaýlyq saqtaý mınıstrliginiń málimeti boıynsha el aımaqtarynda vaktsına alǵandar sany:
- Bishkek qalasynda – 751 (onyń 123-i sońǵy táýlikte)
- Osh qalasynda – 661 (onyń 159-y sońǵy táýlikte)
- Shý oblysynda – 649 (onyń 135-i sońǵy táýlikte)
- Osh oblysynda – 2 481 (onyń 337-si sońǵy táýlikte)
- Ystyqkól oblysynda – 144;
- Talas oblysynda – 484 (onyń 18-i sońǵy táýlikte)
- Naryn oblysynda – 508 (onyń 52-si sońǵy táýlikte)
- Jalalabat oblysynda – 1059 (onyń 495-i sońǵy táýlikte)
- Batken oblysynda – 183 (onyń 71-i sońǵy táýlikte)
Eske sala keteıik, 19 naýryzda respýblıkalyq ımmýnoprofılaktıkalyq ortalyǵy arqyly qytaılyq Beijing Institute of Biological Product Co.Ltd óndirýshisiniń «Sınofarm» aktıvtelgen 150 myń doza vaktsınasy alyndy.
Vaktsınatsııa eki komponentpen 25-28 kún aralyǵynda júrgiziledi. Osy vaktsınamen ımmýndaýdan keıin janama áserler tirkelgen joq.
