Qyrǵyzstanda bıýdjet qarajaty esebinen satyp alý kezinde tender oınatylmaıtyn boldy

BІShKEK. KABAR-QazAqparat – Qyrǵyzstan Prezıdenti Sadyr Japarov «Qyrǵyz Respýblıkasynyń Memlekettik satyp alý salasyndaǵy keıbir zańnamalyq aktilerine ózgerister engizý týraly» zańǵa qol qoıdy, dep habarlaıdy QazAqparat «Kabar» agenttigine silteme jasap.

Zańdy Jogorký Kenesh 2023 jyldyń 29 maýsymynda qabyldaǵan. Mundaǵy maqsat – memlekettik satyp alýdy júzege asyrýdy jetildirý men ońtaılandyrý, osy protseste jemqorlyqty boldyrmaý.

Zań memlekettik satyp alý rásimderin ońtaılandyrýdy jáne «tender» uǵymyn qamtıtyn birqatar zańnamalyq aktilerge ózgerister engizýdi kózdeıdi. Máselen, osy Zańmen Qyrǵyzstannyń 13 Zańyna ózgerister engizilip jatyr.

Sonymen birge, memleket pen halyqtyń túrli taýarlarǵa, jumystar men qyzmetterge degen qajettilikterin qanaǵattandyrý maqsatynda:

- kúrdeli, iske asyrylmaǵan tetikter alynyp tastalady jáne qaıta qaralady;

- satyp alý josparyn ózgertý kezindegi rásimder qysqartyldy;

- bir kózden satyp alý tásilin qoldaný aıasy keńeıtildi.

Sondaı-aq, memlekettik satyp alý jónindegi ýákiletti memlekettik organǵa memlekettik satyp alý salasyndaǵy zańnamany qoldaný ótinimderi boıynsha jazbasha túsiniktemeler berý qyzmeti qarastyrylǵan.