Qyrǵyzstanda buryn Qazaqstanda sotty bolǵan lańkes ustaldy
BІShKEK. QazAqparat - Bishkek qalasy 10 BІІB qyzmetkerleri Qyrǵyz Respýblıkasynyń MUQK-men birge «Zańsyz kelýshi» reıdtik sharasy barysynda el astanasy men Shý oblysynyń Toqmaq qalasynda "Hızb ýt-Tahrır" dinı-ekstremıstik tobynyń múshelerin ustady. Bul týraly Bishkektiń BІІB baspasóz qyzmeti habarlady.
Ustalǵandardyń biri - 47 jastaǵy er adam - «Saıd Býrıatskıı» laqap atymen tanymal A.Tıhomırovtyń nasıhattyq qyzmetin jaqtaýshy. Belgili bolǵandaı, ol osyǵan deıin Qazaqstanda dinı-ekstremıstik áreketteri úshin sotty bolǵan.
Jedel-tergeý sharalary barysynda QR-da tyıym salynǵan «Hızb ýt-Tahrırge» tıesili «Saıd Býrıatskıı» - A.Tıhomırovtyń úgit-nasıhat sıpatyndaǵy aýdıo jáne vıdeo lektsııalary tárkilendi.
Tárkilengen materıaldar MUQK-ge berildi.
