Qyrǵyzstanda bolǵan jarylystan keıin barlyq gaz quıý beketteri tekseriledi
ASTANA. QazAqparat - Qyrǵyzstannyń premer-mınıstri Sooronbaı Jeenbekov Ystyqkól oblysy Ananevo aýylyndaǵy gaz quıý beketinde bolǵan jarylys boıynsha ІІM basshylyǵyna qaıǵyly oqıǵanyń sebebi men ahýalyn jiti tekserýdi tapsyrdy, dep habarlaıdy Kabar úkimettiń baspasóz qyzmetine silteme jasap.
TJM basshylyǵyna bolǵan jarylys faktisin zerdeleý tapsyryldy. Qyrǵyzstan Respýblıkasynyń Úkimeti janyndaǵy ekologııalyq jáne tehnıkalyq qaýipsizdik jónindegi memlekettik ınspektsııaǵa barlyq gaz quıý stantsııalarynyń qaýipsizdik talaptaryna saı ekendigin jedel tekserýge tıisti nusqaý berildi.
Densaýlyq saqtaý organdaryna jarylystan zardap shekken adamdarǵa barlyq qajetti medıtsınalyq kómek kórsetý tapsyryldy.
Tergeý barysy Qyrǵyzstan Respýblıkasynyń premer-mınıstriniń jeke baqylaýynda.
