Qyrǵyzstanda birneshe terrakt jasaýdy josparlaǵan sodyr qolǵa tústi
ASTANA. QazAqparat - Qyrǵyzstanda birneshe terrakt jasaýdy josparlaǵan sodyr qolǵa tústi. Bul týraly respýblıkanyń Ulttyq qaýipsizdik jónindegi memlekettik komıtetiniń baspasóz qyzmeti málimdedi, dep habarlaıdy «QazAqparat» HAA «Kabar» agenttigine silteme jasap.
Qyrǵyzstannyń ulttyq memlekettik komıteti málim etkendeı, 2017 jyldyń 22 jeltoqsanynda elde ótkizilip jatqan lańkestikke qarsy sharalar aıasynda «T.A.» esimdi Qyrǵystan azamaty ustalǵan.
Tekserý barysynda «T.A.» esimdi qolǵa túsken sodyrdyń 2016 jyldan beri halyqaralyq terrorıstik uıymdar (HTU) quramynda dıversııalyq daıyndyqtan ótip, Sırııadaǵy úkimetke qarsy kúshter qatarynda bolǵany anyqtaldy.
2017 ol HTU basshylarynyń nusqaýymen Qyrǵystan shekarasynan ótip, elde lańkestik aktiler jasaý úshin jasyryn terrorıstik uıashyqtar qurýdy maqsat etken.
Qazir qolǵa túsken sodyr tergeýge alynyp, onyń ústinen qylmystyq is qozǵalyp jatyr.
