Qyrǵyzstanda bir táýlikte 500-ge jýyq adamnan koronavırýs anyqtaldy
BІShKEK. KABAR-QazAqparat – Qyrǵyzstanda ótken táýlikte COVID-19 koronavırýs ınfektsııasyn juqtyrǵan 494 jańa jaǵdaı anyqtaldy, dep habarlaıdy QazAqparat Kabar agenttigine silteme jasap.
Qoǵamdyq densaýlyq saqtaý basqarmasynyń basshysy Aınur Akmatova aıtýynsha, anyqtalǵan jańa jaǵdaılardyń 142-si – COVID -19 vırýsynyń zerthanalyq rastalǵan jaǵdaılary, 352-si – atalǵan indettiń klınıkalyq rastalǵan jaǵdaılary nemese aýrýhanadan tys pnevmonııa.
Elde pandemııa bastalǵaly COVID-19 indetin juqtyrǵan 36 299 jaǵdaı tirkelgen. Olardyń 16 585-i – COVID -19 vırýsynyń zerthanalyq rastalǵan jaǵdaılary, 19 714-i – atalǵan indettiń klınıkalyq rastalǵan jaǵdaılary nemese aýrýhanadan tys pnevmonııa.
