Qyrǵyzstanda bir táýlikte 192 adam koronavırýs juqtyrdy
BІShKEK. KABAR-QazAqparat – Qyrǵyzstanda búgin COVID-19 juqtyrǵan 192 jańa jaǵdaı tirkeldi. Bul týraly QazAqparat Kabar agenttigine silteme jasap habarlaıdy.
Qyrǵyz bas sanıtar dárigeri, densaýlyq saqtaý mınıstriniń orynbasary Nurbolot Úsenbaev, aıtýynsha bir táýlikte 13 medıtsına qyzmetkerinen COVID-19 anyqtalǵan.
«Sońǵy táýlikte 1 medıtsına qyzmetkeri jazylyp statsıonardan shyǵaryldy. Jalpy alǵanda 546 medıtsına qyzmetkeri COVID-19 juqtyrǵan, olardyń 382-si saýyǵyp shyqty», - dedi N.Úsenbaev.
Qyrǵyzstanda 20 maýsymda COVID-19 juqtyrǵan 192 jańa jaǵdaı tirkeldi. Elde aýrýǵa shaldyqqandar sany – 2981. Aýrýhanadan 1981 naýqas emdelip shyqty. 35 adam koronavırýstan kóz jumdy.
