Qyrǵyzstanda bir kafeden tamaqtanǵan 85 adam ýlanyp qaldy
BІShKEK. Kabar-QazAqparat – 25 qazan kúni tańǵy 7:30-daǵy jaǵdaı boıynsha Temirjol aýrýhanasynyń juqpaly aýrýlar bólimshesine qaralǵandar sany 85-ke jetti. Bul týraly Qyrǵyzstannyń densaýlyq saqtaý mınıstrligi málimdedi, dep habarlaıdy QazAqparat Kabar agenttigine silteme jasap.
Vedomstvonyń habarlaýynsha, qazirgi kezde bir naýqas em qabyldap jatyr, onyń jaǵdaıy turaqty.
Qalǵan qaralýshylar alǵashqy medıtsınalyq kómek kórsetilgennen keıin ambýlatorııalyq em qabyldaýǵa jiberildi.
Epıdemıologııalyq zertteýdiń barysynda zardap shekkenderdiń bir kafeniń túrli jerlerde ornalasqan fılıaldarynan tamaqtanǵany anyqtaldy.
MSEQK mamandary epıdemıologııalyq zertteýdi jalǵastyryp jatyr.
Eske sala keteıik, keshe 12 adamnyń «Imperııa pıtstsy» kafesiniń tórt fılıalynda tamaqtanǵannan keıin ýlanǵany týraly habarlanǵan edi.
