Qyrǵyzstanda benzın quıylǵan 3 vagon relsten shyǵyp ketti

BІShKEK. QazAqparat – Osh qalasyna jaqyn mańdaǵy temirjol stansasynda benzın quıylǵan 3 tsısterna temirjoldan shyǵyp, aýdaryldy, dep habarlaıdy QazAqparat menshikti tilshisi Qyrǵyzstan Tótenshe jaǵdaılar mınıstrligine silteme jasap.

Apattan oqıǵa ornynda tsısternalardyń biriniń astynda qalyp qoıǵan 59 jastaǵy jumysshy qaza taýyp, 22 jastaǵy jigit zardap shekti. Ol túrli jaraqatpen Osh oblystyq aýrýhanasyna jetkizildi. Qazirgi ýaqytta jaǵdaıy turaqty dep baǵalanýda.

Oqıǵa ornynda Qyrǵyzstannyń Osh oblystyq TJM jáne ІІM basshylarynan quralǵan top jumys istep jatyr. Apattyń saldaryn joıý sharalary qabyldanyp, aýdarylǵan tsısternalardan benzındi quıyp alyp, órt qaýipsizdigi baqylanýda.

Foto: mchs.gov.kg