Qyrǵyzstanda bankterden «Bakıevter otbasynyń» aqshalary tárkilendi
ASTANA. Mamyrdyń 18-i. QazAqparat - Qyrǵyzstannyń tergeý organdary eks-prezıdent Qurmanbek Bakıevtiń týystaryna tıesili bank qarajattarynyń biraz bóligin respýblıkalyq bıýdjetke qaıtara aldy,
dep málim etti ýaqytsha úkimet tóraıymynyń orynbasary Ázimbek Beknazarov.
VVS telekompanııasy habarlaǵan Beknazarovtyń sózine silteme jasaǵan kg.24 agenttigi, Qyrǵyzstanda kóptegen bankterdiń arnaıy jáshikterinde Bakıevtiń otbasy men onyń tóńiregindegilerdiń zańsyz qarajattary saqtalyp kelgendigin aıtady. Respýblıkalyq bıýdjetke jalpy eseppen 1 mıllıard 130 mıllıon som qaıtarylyp otyr.
Sondaı-aq, bankterde 35 mıllıon dollardaı qarjy tabylǵan, dep atap kórsetedi Beknazarov.
