Qyrǵyzstanda balasynyń biri sottalǵan anaǵa batyr-ana medalin bermeý jaıynda usynys jasaldy
ASTANA. QazAqparat - Qyrǵyzstanda batyr ana ordenin balalarynyń biri aýyr qylmys jasaǵan analarǵa bermeý jónindegi usynys jasalýda. Osyndaı zań jobasy qoǵamdyq talqylaýǵa shyǵaryldy, dep habarlaıdy kyrtag.kg.
Qujatta kóp balaly ananyń bir balasy aýyr nemese asa aýyr qylmysy úshin sottalǵan bolsa, onda ol adam «Baatyr ene» ordeni men «Ene dańky» medalderine usynylmaıdy dep jazylǵan.
«Ene dańky» medalimen alty balany dúnıege ákelip, tárbıelep ósirgen ana (altynshy bala - kenjesi bir jasqa tolǵanda ári barlyq bala aman-esen bolsa), sondaı-aq 15 jyl jetimder nemese múgedek balalar úıinde 15 jyl minsiz qyzmet atqarǵan áıelder marapattalady.
