Qyrǵyzstanda Bakıevtiń týysynyń ústinen sot bastaldy
ASTANA. Qazannyń 20-sy. QazAqparat - Bishkekte Qyrǵyzstannyń burynǵy prezıdenti Qurmanbek Bakıevtiń týysynyń ústinen sot amaly bastaldy. Sanjarbek Bakıev pen onyń seriktesteri qarýly qurylymdar uıymdastyrdy jáne aǵymdaǵy jyldyń mamyr aıynda Jalalabadtaǵy buqaralyq tártipsizdikterge qatysty dep aıyptalyp otyr, dep habarlaıdy «Azattyq» radıosy.
27 jastaǵy Sanjarbek Bakıevti Jalalabad oblystyq ishki ister basqarmasynyń qyzmetkerleri maýsymnyń 25-inde ustaǵan edi.
Іs Jalalabad aýdandyq sotynda qaralýda, biraq qaýipsizdik maqsatynda sot amaly Bishkek garnızonynyń Áskerı sotynyń ǵımaratynda ótip jatyr.
