Qyrǵyzstanda azyq-túlik baǵasy men tarıfter qymbattap jatyr

BІShKEK. QazAqparat – Qyrǵyzstanda tutyný baǵalary men tarıfterdiń ósýi baıqalady, ol 2021 jylǵy jeltoqsanmen salystyrǵanda 10 aıda 12,1%-dy qurady, dep habarlaıdy QazAqparat menshikti tilshisi.

Qyrǵyz Respýblıkasynyń Ulttyq statıstıkalyq komıtetine silteme jasap. Azyq-túlik taýarlarynyń ishinde qumsheker – 33,5%-ǵa, un – 26%-ǵa, makaron ónimderi jáne basqa da astyq ónimderi – 22,5%-ǵa, sút ónimderi – 22,4%-ǵa, pisken nan ónimderi –21,6%-ǵa, shoshqa eti –18,9%-ǵa, balyq – 20,1% -ǵa, sary maı – 17,3%, keptirilgen jemister men jańǵaqtar – 16,9%-ǵa, nan – 16,5%-ǵa, alkogolsiz sýsyndar – 14,9%-ǵa, qaraqumyq jarmasy – 14,4%-ǵa, kúrish – 14,7%-ǵa, qoı eti – 12,5%-ǵa, sıyr eti – 11,2%-ǵa qymbattady. Azyq-túlik ónimderimen birge alkogol jáne temeki ónimderi 19,4%-ǵa, azyq-túliktik emes taýarlar 10%-ǵa, halyqqa kórsetiletin qyzmetter tarıfteri 8%-ǵa qymbattaǵan. Baǵalar men tarıfterdiń ósýi respýblıkanyń barlyq óńirlerinde baıqaldy. Bul rette eń joǵary ósim – Naryn oblysynda (14,8%). Munda basqa óńirlermen salystyrǵanda, alkogol men temeki ónimderiniń baǵasy 43,8%-ǵa artqan.