Qyrǵyzstanda ajyrasý men úılený sany azaıǵan
BІShKEK. QazAqparat – Qyrǵyzstanda 2023 jyldyń alǵashqy jartyjyldyǵynda nekeni tirkeý men ajyrasý sıregen, dep habarlaıdy QazAqparattyń menshikti tilshisi QR Tsıfrlyq damý mınıstrligi janyndaǵy Turǵyndardy tirkeý departamentine silteme jasap.
Mekeme aqparaty boıynsha, bıyl alǵashqy jartyjyldyqta respýblıkada 19 347 neke tirkelgen. Bul 2022 jyldyń osy kezeńimen salystyrǵanda 2 687-ge az.
Astanalyq Neke saraıynda eń tanymal kún 2023 jyldyń 23 naýryzy bolǵan. Sol kúni 62 neke qııý saltanaty ótti.
Sonymen qatar, Qyrǵyzstan azamattary ajyrasýǵa da ótinishti az bere bastaǵan. 2023 jyldyń alǵashqy jartyjyldyǵynda 5 814 jup ajyrassa, 2022 jyldyń osy kezeńinde 6 067 otbasy nekeni buzýǵa ótinish bergen.
