Qyrǵyzstanda azamattardyń shamamen tórtten biri S gepatıtine shaldyqqan
BІShKEK. QazAqparat - Resmı derekterge sáıkes, Qyrǵyzstanda S gepatıtine shaldyqqandardyń sany 224 myń adamdy qurady. Bul týraly Jogorký Keneshtiń depýtaty Ravshan Jeenbekov búgin parlament otyrysynda habarlady.
«Resmı derekterge sáıkes, elde 224 myń adam S gepatıtimen aýyrady, beıresmı derekter boıynsha olardyń sany shamamen 500 myńǵa jetti», - dedi ol.
Parlamentshiniń pikirinshe, Densaýlyq saqtaý mınıstrliginde qarjy bolmaǵandyqtan, elde bul indetke qarsy sharalar qabyldanyp jatqan joq.
«Qazirgi ýaqytta Grýzııa elinde Amerıkanyń kómegimen gepatıtke qarsy kúres boıynsha jobalar júzege asyp jatyr, ulttyq baǵdarlama quryp, kómek suraǵanymyz jón», - dep atap ótti R.Jeenbekov.
Qyrǵyzstannyń Densaýlyq saqtaý mınıstrligi bul aqparatqa qatysty málimdeme jasaǵan joq.
