Qyrǵyzstanda aza tutý sharalary ótip jatyr
BІShKEK. Sáýirdiń 10-y. QazAqparat /Evgenıı Novıkov/ - Búgin Qyrǵyzstanda sáýirdiń 7-sinde bolǵan oqıǵanyń qurbandaryn eske alý sharalary ótip jatyr. Sáýirdiń 10-y - Aza tutý kúni dep jarııalandy.
Búgin tańǵy saǵat 9-darda Úkimet úıiniń janyna birneshe júz adam jınaldy. Alańǵa jınalǵan qaýym buqaralyq tolqý kezinde qaza bolǵan 16 adam jerlengen «Ata Beıit» memorıaldyq kesheniniń basyna baryp, quran oqydy. Bul sharaǵa ýaqytsha úkimettiń músheleri Roza Otynbaeva, Ómirbek Tekebaev jáne Temir Sarıev qatysty.
Jınalǵan qaýymnyń aldynda sóz sóılegen R.Otynbaeva, sáýirdiń 7-si Qaza bolǵandardy eske alý kúni dep jarııalanatynyn atap kórsetse, Ó.Tekebaev, eldiń jańa úkimeti demokratııalyq memleket quratynyn, úkimet halyqty aldaıtyn bolsa, olardy «ata-baba arýaqtary» uratynyn málim etti. Qaza bolǵandardy aqtyq saparǵa shyǵaryp salýǵa 6-7 myńdaı adam keldi.
Qazirgi tańda máıithanada tulǵasy anyqtalmaǵan 6 adamnyń denesi jatyr, 54 adamnyń denesin týystary jerleýge aımaqtarǵa alyp ketti.
Sońǵy málimetter boıynsha, tolqý kezinde 79 adam qaza bolǵan, 1,5 myńnan astam adam túrli jaraqat alǵan.
Ýaqytsha úkimet qaza bolǵandardyń otbasylaryna 1 mıllıon somnan (22,2 myń dollar) kómek kórsetýdi josparlap otyr.
