Qyrǵyzstanda az qamtylǵan otbasylardy qoldaý úshin astyqtyń memlekettik qorlary ashylady
BІShKEK. 12 aqpan. QazAqparat /Arnur Rahymbekov/ - Qyrǵyz Respýblıkasynyń úkimetinde memlekettik qorlardaǵy astyqtyń bir bóligin az qamtylǵan otbasylardy qoldaý úshin bólý týraly qaýly jobasyna qol qoıýǵa daıyndyq júrip jatyr.
Bul týraly qoǵamdyq teleradıotaratý korporatsııasy men ElTr telekompanııasyna bergen suhbatynda Qyrǵyz Respýblıkasynyń premer-mınıstri Almazbek Atambaev aıtty.
«Astyq qoryn ashý týraly sheshim turǵyndardyń az qamtylǵan bólikterin qoldaý, azamattardyń un men unnan jasalatyn ónimderge suranysyn turaqtandyrý, sonymen qatar baǵany qoldan ósirýmen kúresý maqsatynda qabyldandy. Bul astyq unǵa aınaldyrylyp, 340 myń az qamtylǵan otbasyǵa tegin taratylady», - dedi Qyrǵyz úkimetiniń basshysy.
