Qyrǵyzstanda áýe apatynan qaza bolǵandardyń týǵan-týystaryna beriletin materıaldyq kómektiń kólemi anyqtaldy
BІShKEK. QazAqparat - Qyrǵyzstanda áýe apatynan qaza tapqan adamdardyń týǵan-týystaryna 100 myń somnan beriledi, dep habarlaıdy QazAqparattyń Bishkektegi tilshisi.
Bul týraly jýrnalısterge Qyrǵyzstan premer-mınıstriniń orynbasary Mýhametkalyı Abýlgazıev málim etti.
«Qaza bolǵandardyń týǵan týystary prezıdenttik qordan 100 myń somnan materıaldyq kómek alady. Túrkııa tarapymen shyǵyndy óteý týraly sóz aıtý áli erte. Sonymen qatar memlekettik organdardyń qyzmetkerleri japa shekkenderge materıaldyq kómek berilgenshe ózderiniń aılyqtaryn jiberýge nıet tanytyp otyr», - dedi vıtse-premer.
Eske salsaq, 16 qańtarda saǵat tańǵy 7.31-de Bishkektiń Dacha-Sýý aýylynda áýejaıǵa jaqyn jerde Gonkongten Túrkııaǵa bet alǵan júk ushaǵy qulady. Avıalaıner «Manas» áýejaıynan maı quıýdy josparlaǵan. Apat saldarynan 32 adam qaza tapqan. Qyrǵyzstan vıtse-premer-mınıstri Mýhammetqalyı Abýlgazıevtyń basshylyǵymen arnaıy shtab quryldy. Qyrǵyzstanda erteń aza tutý kúni bolyp jarııalandy.
