Qyrǵyzstanda attraktsıon qırap, 8 adam zardap shekti
ASTANA. QazAqparat - Qyrǵyzstannyń Osh qalasyndaǵy Á.Naýaı atyndaǵy saıabaǵyndaǵy attraktsıonnyń qıraýyna baılanysty 8 adam japa shekti, dep habarlaıdy Turmush .
14 mamyr kúni saǵat 18:30 shamasynda Á.Naýaı atyndaǵy saıabaqtaǵy aınalmaly átkenshek opyrylyp túsken. Turmush agenttigi tilshisiniń málimdeýinshe, aýrýhanaǵa túrli jaraqattarmen alty adam jetkizilgen, zardap shekkenderdiń ishinde 37 jastaǵy kelinshektiń jaǵdaıy asa aýyr. Eki azamat qalalyq aýrýhananyń travmatologııa bólimshesinde jatsa, úsh jas bala medıtsınalyq mekemeniń túrli bólimshelerinen em alýda.
Dáriger Erkın Abdýalıevtiń aıtýynsha, jan saqtaý bólimindegi A.I.esimdi áıeldiń jaǵdaıy turaqty.
Jaraqat alǵandardyń taǵy biri 1995 jyly týǵan Meerım Bekıeva, onyń basy zaqymdanyp, aıaǵy synǵan. Sondaı-aq, aýrýhanaǵa 2000 jylǵy qala turǵyny Ibragımova, 1999 jyly týǵan Nurjamal Turdıeva, 2005 jylǵy Andreı Chaıkovskıı, 1998 jylǵy Ibragımova esimdi qyz bala jetkizildi. Osh qalalyq ІІB oqıǵa boıynsha tekserý jumystary júrgizilip jatqandyǵyn habarlady.
