Qyrǵyzstanda ata-anadan mektep qoryna jarna alý máselesi qarastyrylýda
BІShKEK. QazAqparat – Qyrǵyzstannyń Bilim mınıstrligi ata-analardyń mektepterge qarjylyq qoldaý kórsetý máselesine qatysty túsinik berdi, dep habarlaıdy QazAqparat «Kabar» agenttigine silteme jasap.
2021 jyldyń 5 tamyzynda ótken baspasóz máslıhatynda Qyrǵyzstan Bilim mınıstri Bolotbek Kýpeshev «Kaktýs Medıa» redaktsııasy jýrnalısteriniń mektepter janyndaǵy ata-ana qorlary týraly suraǵyna jaýap bere kele, ata-analar tarapynan engiziletin birjyldyq sýmmany belgilegen artyq bolmas edi degen pikir bildirdi. Onyń aıtýynsha, ata-analardyń aqshasy mektepterdiń materıaldyq-tehnıkalyq bazasyn (jóndeý jumystary jáne taǵy basqasyna) qosymsha qoldaýǵa baǵyttalady.
Mınıstrdiń bul sózi qoǵamda qyzý talqyǵa túsýde.
«Osy rette, mınıstrlik kóp jyldar boıy qoǵamda qarama-qaıshy kózqaras jáne ata-analardyń keıistigin týdyryp kele jatqan máseleni sheshý úshin jumys tobyn quryp otyr. Jumys tobynyń quramyna mınıstrlik qyzmetkerleri, ata-analar jáne azamattyq qoǵam ókilderi enetin bolady. Olar quqyqtyq, qarjylyq, áleýmettik jáne ózge de aspektilerdi zerdelep, atalǵan problemany sheshý joldaryn usynady», - delingen Kabar aqparatynda.
