Qyrǵyzstanda áskerıler arasyndaǵy atys saldarynan bir adam qaza tapty
ASTANA. QazAqparat - Dúısenbide, Qyrǵyzstanda Ulttyq gvardııa áskerı qyzmetshileri arasynda oryn alǵan janjal saldarynan bir sarbaz qaza taýyp, ekinshisi jaraqat aldy, dep habarlady RIA Novostı vedomstvo ókiline silteme jasap.
«Shamamen jergilikti ýaqyt 4.00 shamasynda Ulttyq gvardııanyń №714 áskerı bóliminde qaraýylǵa shabýyldaý kezinde kelisimshart qyzmetiniń eki áskerı qyzmetshisi aýyr jaraqat aldy. Shabýyldaýshylardyń biri aýrýhanaǵa bara jatqan jolda qaza taýyp, ekinshisi jansaqtaý bólimshesinde jatyr, oǵan ota jasaldy», - dep atap ótti vedomstvoda.
Qaraýyl men áskerı qyzmetshiniń arasynda janjal týyndap, qaraýyl kezdeısoq oq atqany habarlanady. Shabýyldaýshylar osy bólimde merziminen tys qyzmetten ótip jatqan. Keleńsiz jaǵdaıdyń mán-jaıy anyqtalýda, oqıǵa ornynda áskerı prokýratýra ókilderi jumys isteýde. Foto: Tabyldy Kadyrbekov
