Qyrǵyzstanda áskerı bólimde belgisiz zat jarylyp, shekarashy jaralandy
BІShKEK. KABAR-QazAqparat – Áskerı bólimderdiń birinde belgisiz zat jarylyp, Qyrǵyz Respýblıkasy ulttyq qaýipsizdik memlekettik komıteti Shekara qyzmetiniń qyzmetkeri jaralandy, dep habarlaıdy QazAqparat «Kabar» agenttigine silteme jasap.
Vedomstvonyń baspasóz qyzmeti taratqan aqparatqa sáıkes, aldyn ala málimetter boıynsha belgili bolǵany, 2021 áskerı bóliminiń avtomobılderdi tekserý pýnktinde pesh jaǵý kezinde belgisiz zat (anyqtalyp jatyr) jarylǵan. Jarylystan 2003 jylǵy áskerı qyzmetker aıaǵynan jaralanady.
Áskerı qyzmetker shuǵyl túrde Razzakov qalasynyń aýmaqtyq aýrýhanasyna jetkizilgen. Dárigerler naýqastyń jaǵdaıy ortasha aýyr dep baǵalaıdy.
Oqıǵa boıynsha quzyrly organdar tergeý jumystaryn júrgizip jatyr.
