Qyrǵyzstanda arnaıy qyzmet ókilderi Q. Bakıevty ustaý josparyn qurýda
ASTANA. Sáýirdiń 12-si. QazAqparat - Qyrǵyzstannyń kúsh qurylymdary, eldiń ýaqytsha úkimetiniń qoldaýymen, oryntaǵynan taıdyrylǵan respýblıka basshysy Qurmanbek Bakıevty ustaý maqsatymen arnaıy operatsııa ótkizýdi josparlaǵan.
Bul týraly jýrnalısterge el ýaqytsha úkimeti tóraǵasynyń birinshi orynbasary Almazbek Atambaev jarııa etti, dep habarlaıdy RBK.
Qazir osy operatsııany bastaý týraly másele sheshilýde: Qyrǵyzstan úkimeti qaqtyǵystar kezinde beıbit turǵyndar tarapynan jańa qurbandyqtarǵa jol berilýinen qaýiptenedi. A. Atambaev Q. Bakıevty ózin qorǵaý úshin sherýler uıymdastyryp, jaqtastaryn «uıatqa qaldyrýda», dep málimdedi.
Q. Bakıevtyń eger kimde-kim óziniń ómirine qaýip tóndirse, onda el «qanǵa boıalady» dep ýáde bergenin eske salamyz. «Eger oppozıtsııa kúsh qoldanar bolsa, meniń jaqtastarym olardyń qımylyna qarsy shyǵady, al bul qantógiske ushyratady», - dep sendirgen bolatyn ornynan alynǵan respýblıka basshysy.
Qurmanbek Bakıev ýaqytsha úkimettiń zańdylyǵyn moıyndaýdan bas tartqan-dy, alaıda óziniń kelissóz ústeline daıar ekenin de málimdegen edi.
Buǵan deıin Qyrǵyzstannyń ýaqytsha úkimeti 81 adamnyń ólimi úshin jaýapkershilikti Q. Bakıevke júkteıtinin habarlaǵan bolatyn.
