02:10, 18 Qazan 2022 | GMT +6
Qyrǵyzstanda ár kólikte vıdeotirkeýish bolýy mindetteledi
BІShKEK. QazAqparat - Qyrǵyzstandaǵy joldarda qoǵamdyq qaýipsizdik pen júrgizýshi tártibin nyǵaıtý maqsatynda kólik quraldarynyń qozǵalys protsesin tirkeıtin jazý quraldarymen jabdyqtaýǵa mindetteý usynyldy. Tıisti zań jobasyn Qyrǵyzstannyń ishki ister mınıstrligi qoǵamdyq talqylaýǵa shyǵardy, dep habarlaıdy QazAqparat tilshisi Qyrǵyzstan Respýblıkasy Mınıstrler kabınetiniń saıtyna silteme jasap.
Statıstıkaǵa sáıkes, Qyrǵyzstanda 25 pen 40 jas aralyǵyndaǵy belsendi eńbekke qabiletti adamdardyń 70% - y jolda qaıtys bolady.
Zań jobasynyń avtorlary bul jańashyldyq júrgizýshilerdiń jol qozǵalysy kezindegi jaýapkershiligin arttyryp, tártibin jaqsartady, sondaı-aq quqyq buzýshylyqtar men qylmystardyń aldyn alýǵa, olardy ashýǵa oń áser etedi dep esepteıdi.
Bul normany traktorlar men ózdiginen júretin tehnologııalyq mashınalardy, sondaı-aq jolaýshylardy tasymaldaý jónindegi qyzmetti júzege asyratyn jáne qaýipti júkterdi tasymaldaıtyn avtokólikterdi qospaǵanda, Qyrǵyzstan aýmaǵynda alǵashqy tirkelgen kólik quraldary úshin 2025 jylǵy 1 qańtardan bastap engizý usynylady.
