Qyrǵyzstanda aptap ystyq saldarynan jumys kúni eki saǵatqa qysqartyldy
ASTANA. QazAqparat - Qyrǵyzstanda beısenbide aptap ystyq saldarynan jumys kúni eki saǵatqa qysqartyldy, bul týraly ókimge eldiń premer-mınıstri Temir Sarıev qol qoıdy, dep habarlady RIA Novostı.
«TJM boljamyna sáıkes, búgin aýa raıy +44S bolady dep kútilýde. Qyrǵyzstan Respýblıkasy Eńbek, kóshi-qon jáne jastar mınıstrligi jumys kúnin qysqartýǵa usynys engizdi. Tıisti ókimge respýblıkanyń premer-mınıstri Temir Sarıev qol qoıdy», - dep habarlady qyrǵyzdyq mınıstrler kabıneti basshysynyń baspasóz qyzmeti.
Seısenbide respýblıkada temperatýralyq rekord oryn aldy.
Juma kúni ystyqtyń azdap beti qaıtýy múmkin. Temperatýra qaıta 35-38 gradýsqa deıin túsedi, taýly jerlerde jaýyn jaýýy yqtımal.
