Qyrǵyzstanda apta boıy 42 gradýsqa deıin aptap ystyq saqtalady
BІShKEK. QazAqparat – Qyrǵyzstan aýmaǵynda aptap ystyq bolady. Qyrǵyzstan tótenshe jaǵdaılar mınıstrliginiń málimetinshe, eldegi keıbir aýdandarda aýa temperatýrasy + 42 gradýsqa deıin kóteriledi, dep habarlaıdy QazAqparat menshikti tilshisi.
Meteoqyzmet deregi boıynsha, 20-25 shilde aralyǵynda Shý oblysynyń aýmaǵynda + 41 gradýsqa deıin, Talas alqabynda + 39 gradýsqa deıin, Batken, Osh jáne Jalal-Abad oblystarynda + 42 gradýsqa deıin, Naryn oblysynda + 36 gradýs, Ystyqkólde + 34 gradýsqa deıin, taýly aýdandarda + 24-29 gradýsqa deıin ystyq bolýy yqtımal.
Vedomstvo halyqty kóbirek sý men salqyn sýsyndar ishýge, ashyq kún astynda júrmeýge, aýyl sharýashylyǵy daqyldaryn mol sýarýǵa shaqyryp jatyr.
Ashyq kózderden alynǵan foto
