Qyrǵyzstanda apatqa ushyraǵan Boıng ushqyshy ushaqty 2 ret qondyrmaq bolǵan
ASTANA. QazAqparat - Qyrǵyzstannyń «Manas» áýejaıyna taıaý jerde apatqa ushyraǵan Boıng ushqyshy ushaqty 2 ret qondyrmaq bolǵan. Bul jaıynda QazAqparattyń Bishkektegi arnaýly tilshisi Mádıbek Jánibekov habarlady.
QazAqparat tilshisine Qyrǵyzstannyń Azamattyq avıatsııa agenttigi basshysynyń orynbasary Baqyt Djýnýshalıev Boıng ushaǵynyń qalaı apatqa ushyraǵanyn aıtyp bergen.
«Boıng shyǵystan batysqa qaraı qonýǵa bet alǵan. Biraq, onyń qandaı sebeptermen joldan shyǵyp ketkeni tergeýden keıin ǵana anyqtalady. Ushqysh ekinshi márte aınalyp kelip qonbaq bolǵan degen boljam jasaýǵa bolady. Nelikten bul onyń qolynan kelmedi? Biz ushqyshtyń qalaı áreket jasaǵandyǵyn jáne qandaı sheshim qabyldaǵandyǵyn bilmeımiz», - dedi ol.
Sonymen qatar agenttik basshysynyń orynbasary ushaq qulaǵan jerde apattyq qutqarý jumystary jalǵasyp jatqandyǵyn aıtty.
«Bizdiń mamandar ázirshe ushaqtyń qulaý sebebin tergeýge kirise almaıdy. Sondyqtan eshqandaı resmı nusqa aıta almaımyz. Reıs taza kommertsııalyq bolatyn. Ol Gonkongten Bishkek arqyly Ystanbulǵa barýy tıis edi. Ushý 4+1 syzbasy boıynsha oryndaǵan. ıAǵnı, ekıpajdyń 4 múshesi men 1 alyp júrýshi bolǵan. Biz bortta alyp júrýshi adamnyń bolǵan-bolmaǵandyǵyn da bilmeımiz», - dedi Djýnýshalıev.
Aıta keteıik, 16 qańtarda saǵat tańǵy 7.31-de Bishkektiń Dacha-Sýý aýylynda, áýejaıǵa jaqyn jerde Gonkongten Túrkııaǵa bet alǵan Boeing 747-400 júk ushaǵy qulady. Avıalaıner «Manas» áýejaıynan maı quıýdy josparlaǵan. 23 úı qırap, 37 adam qaza tapty.
