Qyrǵyzstanda apatqa ushyraǵan Boeing jeke kompanııaǵa tıesili bolǵan
ASTANA. QazAqparat - Qyrǵyzstanda qulaǵan ushaqtyń Turkish Airlines kompanııasyna qatysy joq, ol jeke túrik kompanııasyna tıesili bolǵan, dep habarlady RIA Novostı RF-daǵy Túrkııa elshiliginiń baspasóz isteri boıynsha keńesshisi Orhan Gazıgılge silteme jasap.
«Biz alǵan aqparatqa sáıkes júk ushaǵynyń Túrik avıajelilerine qatysy joq, ushaq túrik jeke kompanııalarynyń birine tıesili bolǵan», - dedi Gazıgıl.
16 qańtarda saǵat tańǵy 7.31-de Bishkektiń Dacha-Sýý aýylynda, áýejaıǵa jaqyn jerde Gonkongten Túrkııaǵa bet alǵan Boeing 747-400 júk ushaǵy qulady. Avıalaıner «Manas» áýejaıynan maı quıýdy josparlaǵan. 23 úı qırap, 37 adam qaıtys boldy.
