Qyrǵyzstanda analogtyq telehabar taratý toqtatyldy
ASTANA. QazAqparat - Qyrǵyzstanda búginnen bastap analogtyq habar taratý ajyratyldy dep habarlaıdy 24.kg saıty.
Jergilikti telearnalar turǵyndardy 15 sáýirden bastap analog habar taratýdyń toqtatylatyndyǵy týraly kún saıyn qulaqtandyryp, «Qyrǵyztelekom» fılıaldary men basqa da jeke jetkizýshilerden resıverlerdi satyp alýǵa keńes berip keldi.
Qyrǵyzstanda analogtyq habar taratýǵa jyl saıyn 250 mıllıon som jumsalyp kelgen. 2012 jyldan bastap el aýmaǵy birtindep tsıfrlyq televızııaǵa kóshirile bastady.
Tsıfrlyq arnalardyń áleýmettik paketi aqparattyq, áýendik-kóńil kóterý, balalarǵa arnalǵan baǵdarlamalar, ǵylymı-tanymdyq, sport salalaryndaǵy habarlardy qamtıdy
Aıta keteıik, buǵan deıin Qyrǵyzstannyń Mádenıet mınıstri Tógelbaı Qazaqov 315 myń turǵyny bar 326 eldi-mekenderge retranslıatorlar ornatylmaıynsha analogtyq habar taratý ajyratylatyndyǵyn aıtqan bolatyn.
