Qyrǵyzstanda amerıkandyq» KS-135 ushaǵynyń «qara jáshigi» tabyldy
ASTANA. 20 mamyr. QazAqparat - Qyrǵyzstannyń Panfılov aýdanynda 2013 jyly 3 mamyrda apatqa ushyraǵan amerıkandyq KS-135 ushaǵynyń «qara jáshigi» tabyldy, dep habarlady RBK.
Bul týraly qyrǵyzdyń AKI press aqparattyq agenttigi ushaqtyń apatqa ushyraýyn tekserý jónindegi úkimettik komıssııa tóraǵasynyń orynbasary, Azamattyq avıatsııa agenttiginiń ushyrýlar qaýipsizdigin ınspektsııalaý basqarmasynyń bastyǵy Stalbek Sharshevke silteme, jasap habarlady. Onyń aıtýynsha, «qara jáshik» 16 mamyrda tabylǵan.
«Tıisti akti jasaldy. Jáshikter amerıkandyq tarapqa ony AQSh jóneltip, shıfrdy ajyratý úshin berildi», - dep habarlady Qyrǵyzstan kólik jáne kommýnıkatsııa mınıstrliginiń baspasóz qyzmeti.
«Manas» halyqaralyq áýejaıyndaǵy tranzıttik tasymaldar ortalyǵynyń otyn quıatyn ushaǵy 3 mamyr kúni jergilikti ýaqytpen 14:55-te (máskeý ýaqytymen 12:55) Shý oblysynyń Panfılov aýdanynda Cholok-Aryq jáne Chorgola aýyldary arasynda apatqa ushyrady.
Kýágerlerdiń aıtýynsha, ushaq áýede órtenip, jerge qulaǵan. Onda úsh adamnan quralǵan ekıpaj bolǵan. Amerıkandyq áskerılerdiń aıtýlarynsha, olardyń bári de - AQSh azamattary.
Ushaqtyń apatqa ushyraýynyń sebebi retinde jasyn túsýi yqtımal degen boljam aıtylady. Alaıda onyń apatqa ushyraý sebepteri resmı jarııalanǵan joq. Apattyń jaı-japsaryn arnaıy komıssııa tekserýde.
